es het einisch eine gseit,
är syg nümme da, wenn’s schneit
und sy schpur, die fing me nümm im schnee
aber dlüt hei über das
nume gschpottet und gseit: was
redt de dä im summer scho vo schnee?
und me het nen immer meh
schpät ir nacht no chönne gseh,
ganz allei dür aui gasse ga
und de hie und da, da het
är lut mit sich säuber gredt,
d lüt hei glachet und sy blybe schtah
‘s sich no gar nid e so lang,
dass mir einisch mitenang
par minuten öppis prichtet hei
und gly druuf han i’s verno,
är syg nümme da und scho
louft me z mornderisch im erschte schnee
es het einisch eine gseit,
är syg nümme da, wenn’s schneit
und sy schpur, die fing me nümm im schnee